غلطتي : جيتك وبدّيت ( إهتمامي ) ،

جيت لأنّي تبت وأعلنت : [ إنهزامي ] !
يوم شفت النصر في نظرة عيونك


ما قويت أوقف .. ولامتني عظامي
صادقٍ قولك ، وما خابت .. " ظنونك " !



يوم قلت إنّي : تسرّعت بـ غرامي
وما حسبت حساب نزوَتْك وجنونك ،


غلطتي : جيتك وبدّيت ( إهتمامي ) ،
دون ما أفكر بـ أحبابك وكونك !


شدّني " إسمك " ويا كثر الأسامي
ثار بي كلّي ... وبكّتني شجونك


ما هقيت إنّك تسمّيني حرامي ..!
يومي أغليتك وحرّكته سكونك /



وقمت أسأل نفسي وشفيني ؟ علامي ؟
ما قدرت آعيش لحظاتي بدونك .. ؟!


ما يفيد أحكي ، وأبيّن لك ملامي
لا ولا بـ أرضى بعد أطلبه عونك


بس أبي تحذر إذا جاتك : سهامي
ما تفيدك يومها ( أجمل فنونك )



لأنّي حتّى وآنا في .. عزّ إنهزامي
أستلذ الفوز لا شفته بْـ عيونك ..!